《阿飞正传》电影剧本
引导语：以下是小编为大家推荐的《阿飞正传》电影剧本，希望能帮到大家，还要了解更多资讯，请关注应届毕业生文学网(http://www.ruiwen.com/wenxue)。
《阿飞正传》电影剧本
1.小食部
旭仔背影显现，伴随脚步声，走向雪柜拿出了一瓶汽水，叼着烟开瓶盖。
旭仔：“几多钱啊?”
苏丽珍：“两毫子，按樽加五仙。”
时钟三点。旭仔：“你叫咩名 ?”
苏找钱，“我做咩话俾你知啊。 ”
旭 ：“我知你叫咩名。你应该叫做，额，叫苏丽珍。”
苏：“边个话俾你知噶?”
旭：“你今晚发梦会见到我。”
2.热带雨林掠过，字幕“阿飞正传”
3.小食部
旭仔放包，那了一瓶汽水。
苏：“我寻晚冇发梦见到你喔。”
旭：“梗系啦，你都冇瞓。咁冇用的，你一定会见到我嘅。”旭仔离开。
时钟4点，苏趴在桌上睡着了，带着微笑。
旭仔背影，提着包走向小食部。正在擦东西的苏转过身来，看了旭一眼，继续擦拭桌子。
旭：“你今日有啲唔同喔。”
苏：“冇啊，有咩唔同啊?”
旭：“冇?你耳仔咁红嘅?”
苏走向旭，：“你究竟想点啫?”
旭：“冇，我想同你做朋友啫。”
苏：“我点解要同你做朋友啊?”
旭走近苏：“睇下我嘅表啊。”
苏：“点解睇住你嘅表啫?”
旭：“一分钟啊。”
苏望想他的手表。时钟逼近三点。
苏：“够钟了，讲啊。”
旭：“今日几多号啊?”
苏：“16号咯。”
旭：“16号，4月16号，1960年4月16号下昼3点之前嘅呢分钟，你同我系埋一齐，因为你我会记得个
分钟，由而家开始我哋就系一分钟嘅朋友，呢个系事实来嘅，你追唔返嘅，因为已经过咗，我听日会
再嚟。”旭拿包，抚了苏一下肩膀离开。
苏(独白)：“佢有冇因为我而记得嗰分钟，我唔知啊，但系我一直都记住呢个人。后尾佢真系日日都
嚟，我哋就由一分钟嘅朋友，变成两分钟嘅朋友，冇几耐，我哋每日起码见一个钟头。”苏背向银幕，
靠在墙边。
4.旭仔家
旭和苏床上亲吻，接着旭含咬着苏的手指。
苏：“我哋识咗几耐啊?”
旭：“好耐嘅了，唔记得了。”
苏：“我表姐就嚟结婚了。”
旭：“系咩?同我恭喜佢啊。”
苏：“佢话结咗婚之后，会搬同老爷奶奶住呃。”
旭：“咁即系点啊?”
苏：“咁即系我唔系要揾地方搬咯。”
旭：“嗯?”
苏：“我想搬嚟同你住啊。”
旭眨眼，转向苏：“好啊。”
亲吻。
苏：“咁我点同阿爸讲啊?”
旭：“讲咩啊?”
苏：“我哋啲嘢咯。”
旭：“我哋啲咩啊?”沉默。苏转过身。
阳台上，苏穿上衣服，坐在椅子上。
苏：“你会唔会同我结婚啊?”
旭看了苏一眼，转过头：“唔会。”
旭在镜子前梳头，苏穿上了裙子离开：“我以后都唔会再返嚟嘅了。”
梳完头的旭看着她离的方向，苏走下了楼梯。旭拨开百叶窗静静观望。
本文标签：
[!--temp.ykpl--]